Үйлчилгээний нөхцөл

1. Үйлчилгээ

Энэхүү платформ нь IELTS шалгалтад бэлтгэх зориулалттай mock тестүүд болон AI Speaking санал болгодог. Mock дасгалууд төлбөргүй, бүртгэлгүй хийж болно; нэвтэрсэн хэрэглэгчийн дүн хадгалагдана.

AI Speaking нь Part 1, 2, 3 хэлбэрийн зохиосон дасгалын асуултаар бодит цагт ярилцана. Өдөр тутмын хэрэглээний хязгаар үйлчилнэ. Энэ нь IELTS байгууллагын албан ёсны шалгалт эсвэл түүний төлөөлөгч үйлчилгээ биш юм.

2. Төлбөр

AI Speaking-ийг нэг удаа (50,000₮) эсвэл багцаар (3 / 5 удаа) QPay системээр худалдаж авч болно. Багц бүрийн үнэ сайт дээр нийтлэгдсэн үнийн хүснэгтэд харагдана. Төлбөр нь сонгосон багцын тоотой тэнцэх тооны яриа эхлүүлэх эрх олгоно. Эхлүүлээгүй эрхүүд хадгалагдана. Хугацаа нь дуусаагүй яриаг дахин холбоход нэмэлт эрх зарцуулахгүй. Эхний AI холболт бүтэлгүйтвэл тэр ярианы эрхийг буцаана. Эрх дууссаны дараа дахин худалдаж авч болно.

3. Үнэлгээний тухай

Манай платформын Band оноо нь IELTS-ийн албан ёсны хөрвүүлэлтийн хүснэгтэд суурилсан тооцоолол бөгөөд албан ёсны IELTS оноо биш юм. Writing хэсгийн үнэлгээ нь автомат шинжилгээ тул зөвхөн лавлагааны зориулалттай.

Speaking-ийн AI үнэлгээ нь ярианы урсгал ба уялдаа, үгийн сан, дүрмийн хүрээ ба зөв хэрэглээ, дуудлага гэсэн дөрвөн ижил жинтэй шалгуурт суурилна. Дуудлага, ярианы урсгалыг аудиогоор, үгийн сан, дүрмийг хариултын бичвэрээр шинжилнэ. AI алдаа гаргаж болох тул оноо нь дасгалын баримжаа бөгөөд албан ёсны IELTS үр дүнг батлахгүй.

4. Хэрэглэгчийн үүрэг

Хэрэглэгч өөрийн бүртгэлийн аюулгүй байдлыг хариуцна. Тестийн агуулгыг хуулбарлах, түгээхийг хориглоно.